Sugatan ang 32 pasahero makaraang bumangga ang isang pampasaherong bus sa iba pang bus sa EDSA.
Sa inisyal na imbestigasyon, nagbababa ng pasahero sa southboun lane ng MRT Kamuning Station ang VIL500 na may plakang ABE 2876 na biyaheng Novaliches-Baclaran nang salpukin ito sa likurang bahagi ng Baclaran Metrolink na may plakang ACC 8732.
Ayon sa drayber ng Metrolink, nawalan umano siya ng preno kaya’t sumalpok ito sa unahang bus.
Agad namang isinugod sa ospital ang mga sugatang pasahero habang nagdulot naman ng bigat sa daloy ng trapiko sa southbound lane ng EDSA ang naturang aksidente.
—-
