Nakatanggap ng Electronic Land Titles o e-Titles mula sa Department of Agrarian Reform (DAR) ang nasa 30 Agrarian Reform Beneficiaries (ARBs) sa Camiguin.
Ito ay sa pangunguna ni DAR Secretary Conrado Estrella III kung saan, sumasaklaw sa 17 ektarya ng mga lupa sa iba’t ibang munisipalidad sa Camuguin ang ibinahagi sa ilalim ng Support to Parcelization of Lands for Individual Titling (SPLIT).
Layunin nitong pabilisin ang hatian ng lupa sa Collective Certificates of Land Ownership Awards (CCLOAs).
Samantala, hinimok naman ng kalihim ang mga benepisyaryo na gawin ang kanilang bahagi sa pagsasaayos ng kani-kanilang mga sakahan. - sa panunulat ni Hannah Beatrisse Oledan
