Nakararanas na ng kakapusan ng supply ng premium refined sugar ang ilang malalaking softdrinks manufacturer sa bansa.
Ito ang kinumpirma ng Coca-Cola Beverages Philippines Incorporated; ARC Refreshments Corporation at Pepsi-Cola Products Philippines Incorporated.
Tiniyak naman ng tatlong kompanya ang pakikipag-ugnayan sa mga stakeholders at pamahalaan upang maresolba ang isyu.
Ang Premium refined sugar ang pangunahing sangkap sa paggawa ng softdrinks.
Sa pag-iikot ng DWIZ sa ilang pamilihan at iba pang sari-sari store sa Caloocan, Maynila at Pasig, nagmahal na ng P1.00 hanggang P2.00 ang presyo ang kada bote ng softdrinks.
