Nagpositibo sa COVID-19 ang 25 crew ng isang roro vessel na biyaheng Batangas papuntang Caticlan.
Ayon kay Batangas Port Manager Josleito Sinocruz, isinailalim ang ang walumpung sa crew ng barko sa antigen test at 25 nga sa mga ito ang nagpositibo.
Ayon naman sa Provincial Health Office, pinababa na bago umalis pa Caticlan ang dalawang crew ng barko dahil sa sintomas ng COVID-19 at nakabyahe pa ang barko hangang sa malam nila na positibo sa COVID-19 ang nasabing crew.
Nabahala naman ang Batangas LGU sa mga pasahero ng barko dahil may posibilidad na nakasalamuha nila ang mga nagkasakit na crew.
Inatasan naman na ang kumpanya ng roro vessel na makipag-ugnayan para sa agarang contract tracing.
Naka-isolate na ang mga nagpositibo sa virus at nakadaong naman ang barko sa Batangas bay sakop ng bayan ng Bauan.—sa panulat ni Rex Espiritu
