Nauwi sa madugong barilan ang isang kasalan sa Afghanistan Linggo ng gabi na kumitil ng 21 katao.
Ayon kay Interior Ministry Spokesman Sediq Sediqqi, dalawang armadong grupo ang nagpang-abot sa isang kasalan sa northeastern province ng Baghlan.
Sinabi ni Sediqqi na nagbarilan ang dalawang grupo kung saan nadamay ang mga panauhin na di naman kasama sa kaguluhan.
Kabilang sa 21 napatay ay ang dalawang kabataang lalake at 8 iba pa.
Di pa alam ang sanhi ng bakbakan ng dalawang grupo.
By Mariboy Ysibido
