LATEST NEWS

Monthly Archives

July 2026

Superstar Nora Aunor excited na sa pagbabalik ng kanyang boses matapos ang therapy

written by DWIZ 882

nora aunor

Malaki ang pasasalamat ni Superstar Nora Aunor at kanyang naipa-therapy ang kanyang boses.

Ito ay sa pamamagitan aniya ng kanyang mga isponsor na nagmalasakit at wala namang hininging kapalit.

Abril 20 nang tumulak papuntang Singapore si Nora kasama ang kanyang long-time partner na si John Rendez at isang personal assistant.

Doon aniya ay nagkapagpa voice therapy si Nora sa isang espesyalistang gumamot na rin sa nasirang boses ng ilang Hollywood celebrity.

Sa oras na bumalik sa dati ang boses ng Superstar ay isang malaking presscon aniya ang asahan.

By Ralph Obina

May 1, 2017 0 comment

INTERNATIONAL NEWS

Pinakamalaking warship ng Japan magsisilbing escort ng supply vessel ng Amerika

written by DWIZ 882

japan and usa flag

Ipinadala na ng Japan ang pinakamalaki nitong warship para i-escort ang US supply vessel na kinabibilangan ng USS Carl Vinson.

Ayon sa ulat, magsisilbing suporta ang helicopter carrier ng mga warship ng Amerika na kinakailangang magpa-refuel.

Ito ay sa harap ng banta ng North Korea na palulubugin ang mga barkong pandigma ng Amerika na magtutungo sa Korean peninsula.

Matatandaang katatapos rin lamang ng military exercises sa pagitan ng Japan at Estados Unidos.

By Ralph Obina

May 1, 2017 0 comment

Pangulong Duterte pinagbibitiw ng The Force of Democracy

written by DWIZ 882

Pinagbibitiw ng grupong The Force of Democracy ang Pangulong Rodrigo Duterte dahil sa tinawag nilang labag sa batas, immoral at mabangis na pamamahala nito.

Isinabay ng grupo ang kanilang kilos protesta sa protesta ng mga labor groups sa Liwasang Bonifacio ngayong Labor Day.

Kinundena rin ng grupo ang anila’y mapaghiganting ugali ng Pangulo na makikita sa panunupil nito sa political opposition.

Maliban dito, pinuna ng The Force of Democracy ang mistulang pagsuko ng Pangulong Duterte sa soberenya ng Pilipinas nang mabigo itong igiit sa ASEAN na pag-usapan ang panalo ng Pilipinas sa arbitral tribunal laban sa claim ng China sa West Philippine Sea.

By Len Aguirre |With Report from Aya Yupangco

May 1, 2017 0 comment

De Lima hiniling na payagang aktibong makilahok sa mga deliberasyon sa senado kahit nakakulong

written by DWIZ 882

Nais ni Senador Leila De Lima na aktibo pa ring makalahok sa mga deliberasyon ng senado kahit na nakakulong sa Philippine National Police o PNP detention facility sa Camp Crame.

Ayon kay De Lima, mayroon syang obligasyon na dapat gampanan sa mahigit labing apat (14) na milyong Pilipino na bumoto sa kanya bilang senador.

Sinabi ni De Lima na pinag-aaralan na ng kanyang mga abogado ang mga legal options kung paano sya makakalahok sa mga deliberastyon sa senado kahit sa pamamagitan ng remote o electronic means.

Bukod anya sa kanyang mga karapatan bilang halal na senador, ipinaglalaban rin ni De Lima ang kanyang karapatan bilang political prisoner.

Noon anyang 1950 ay pinayagang makapagpiyansa si Senador Justiniano Montano para magampanan ang kanyang tungkulin bilang senador kahit pa non-bailable ang kanyang kasong multiple murder.

Samantala, sa pamamagitan naman ng teleconferencing ay pinayagan noon ng Aquino administration si Senador Antonio Trillanes na makalahok sa mga deliberasyon sa senado.

Sa kabila ng pagkakakulong ay nagpapatuloy si De Lima sa paghahain ng kanyang mga panukalang batas.

Prosekusyon tututulan ang kahilingan ni Sen. De Lima makalahok sa deliberasyon ng senado

Tututulan ng prosekusyon ang kahilingan ni Senador Leila De Lima na makalahok sa deliberasyon ng senado kahit nakakulong sa Camp Crame.

Ayon sa prosekusyon, maituturing na special treatment sakaling payagan si De Lima na gumamit ng electronic gadgets para makalahok sa sesyon ng senado.

Nagpahayag ng pangamba ang prosecution na humirit rin ang ibang bilanggo na payagan silang makagamit ng electronic gadgets.

By Len Aguirre

May 1, 2017 0 comment

2 pang bihag ng Abu Sayyaf nabawi na ng militar

written by DWIZ 882

PATIKUL SULU MAP

Dalawa (2) pang bihag ng Abu Sayyaf ang nabawi na ng militar.

Napag alamang nabulaga ang Abu Sayyaf sa biglang pagdating ng militar sa isang bahagi ng Patikul, Sulu kaya’t iniwan nila ang kanilang mga bihag para takasan ang mga sundalo.

Sina Alidznur Halis, driver ng DPWH 1st District sa Sulu at helper na si Alijimar Ahari ay dinukot ng Abu Sayyaf noong tanghali ng Abril 29 ng taong ito sa highway ng Sitio Bauno Barangay Bangkal Patikul, Sulu.

Nasa custody na ngayon ng Joint Task Force Sulu ang dalawang (2) biktima para sa medical examination at de briefing.

By Len Aguirre |With Report from Jonathan Andal

May 1, 2017 0 comment

Mga Bikolano bibigyan ng engrandeng pagsalubong ang bagong Bb. Pilipinas Universe

written by DWIZ 882

RACHEL PETERS

Engrandeng pagsalubong ang naghihintay sa bagong Binibining Pilipinas Universe sa Bicol partikular sa Camarines Sur.

Ang bente singko (25) anyos na Filipina -British na si Rachel Peters ay tiga Camarines Sur at kasintahan ni Camarines Sur Governor Migz Villafuerte.

Tiwala ang mga Bicolano na maiuuwi rin ni Peters sa hinaharap ang korona bilang Ms. Universe tulad ni Pia Wurtzbach noong 2015.

Maraming Bikolana na rin ang kinilala sa angkin nilang kagandahan at talino tulad nina Miss Universe 1999 First Runner Up Miriam Quiambao, Miss International 2005 Precious Lara Quigaman, Miss Universe 2010 4th Runner Up Venus Raj, Miss Supranational 2014 Yvette Marie Santiago, Bb. Pilipinas Interncontinental Christi Lynn Mcgarry, at Miss International 2009 Bea Rose Santiago.

By Len Aguirre

Photo Credit: Rachel Peters Instagram

May 1, 2017 0 comment

Pagdepensa ni Gen. Bato sa mga pulis na nasa likod ng sikretong kulungan umani ng batikos

written by DWIZ 882

DRILON AND LACSON

Umani ng batikos mula sa mga senador ang pagdepensa ni Philippine National Police o PNP Chief Director General Ronald Dela Rosa sa mga pulis na nasa likod ng nadiskubreng sikretong kulungan sa Tondo, Maynila.

Tinawag na arogante ni Senador Panfilo Lacson si Dela Rosa dahil malinaw anya na ang ididepensa nito ay isang bagay na hindi kayang ipagtanggol o indefensible.

Binigyang diin ni Lacson na hindi nya maintindihan kung bakit nasabi ni Dela Rosa na wala syang nakikitang mali sa pagkulong sa drug suspects sa madilim, makipot at walang bintanang sikretong kulungan gayung kahit walang magbigay ng salaysay ay kitang-kita na mayroong nangyaring paglabag sa batas.

Nanlumo naman si Senate Minority Leader Franklin Drilon sa anyay tila Kanto Boy na pananalita ni Dela Rosa habang ipinagtatanggol ang sikretong kulungan.

Binigyang diin ni Drilon na malinaw sa ating mga batas ang pagbabawal sa isang sikretong kulungan.

Una rito, natuklasang nakakulong sa sikretong kulungan sa Station 1 ng MPD o Manila Police District sa Tondo, Maynila ang labing isang (11) drug suspects na kinabibilangan ng mga babae.

Ibinunyag ng mga inamtes na hinihingan sila ng P40,000.00 hanggang P200,000.00 ng mga pulis kapalit ng kanilang kalayaan.

By Len Aguirre |With Report from Cely Bueno

May 1, 2017 0 comment

100 magsasaka nagkilos protesta sa Kampo Crame

written by DWIZ 882

Madaum Agrarian Reform Beneficiaries Association Inc

Nagkilos protesta sa harap ng Kampo Crame ang nasa isandaang (100) magsasaka ngayong Labor Day.

Halos isang oras ring nanatili sa harap ng headquarters ng pambansang pulisya ang mga miyembro ng Madaum Agrarian Reform Beneficiaries Association Inc. na nagmula pa sa Southern Mindanao Region.

Kinundena ng grupo ang di umano’y kawalan ng aksyon ng Philippine National Police o PNP upang mabigyang proteksyon ang mga magsasaka laban sa di umano’y pangha-harass sa kanila ng Lapanday Food Corporation sa Tagum City.

Gumagamit di umano ng private army ang Lapanday upang i-harass ang mga magsasaka na syang tunay umanong may-ari ng isandaan at apatnaput syam (149) na ektarya ng lupain na inangkin ng Lapanday.

Kamakailan lamang ay inatake ng NPA o New People’s Army ang Lapanday Food Corporation sa Davao del Norte.

By Len Aguirre |With Report from Jonathan Andal

May 1, 2017 0 comment

Isa pang Ampatuan ng Maguindanao tinambakan ng kasong katiwalian sa Sandiganbayan

written by DWIZ 882

SANDIGANBAYAN

Sinampahan ng isandaan at animnaput isang (161) kaso katiwalian sa Sandiganbayan ang dating Officer-in-Charge ng Maguindanao na si Governor Datu Sajid Islam Ampatuan kabilang ang labing tatlong (13) iba pa.

Si Sajid ay anak ng yumaong Governor Andal Ampatuan Sr. na isa sa itinuturing utak ng Maguindanao massacre.

Nag-ugat ang kaso sa di umano’y mga ghost projects ni Sajid sa Maguindanao noong 2009 kung saan mahigit sa P95-M ang nawala sa pamahalaan.

Co-accused ni Sajid sa isandaan at animnaput isang (161) kaso ng katiwalian si maguindanao Provincial Engineer Landap Guinaid na napatay sa isang ambush sa Shariff Aguak noong July 28 ng nakaraang taon.

By Len Aguirre

May 1, 2017 0 comment

Mas maayos na serbisyo ng MRT asahan sa Nobyembre – DOT

written by DWIZ 882

Uunahing ayusin ng Department of Transportation o DOT ang power signalling system ng mga tren, bago ang pagtutok sa kontrata ng maintenance providers nito.

Sinabi ni Transportation Usec. for Rails Cesar Chavez na kanila pang hinihintay ang paliwanag ng maintenance providers kung bakit sunod – sunod ang pagtirik ng mga tren ng MRT, nitong mga nakaraang linggo.

Madali naman aniyang ipahinto ang kontrata rito, subalit sa ngayon ay uunahin muna nila ang pagpapabuti sa serbisyong ibinibigay ng MRT.

Sinabi ni Chavez na sa Nobyembre ay maari na rin asahan ng publiko ang mas maayos at maraming tren na bumibiyahe.

“I-enhance ang capacity and power ng MRT. Sa pamamagitan ng pag i-enhance ng power capacity ng MRT, we expect to complete these by November 15, 2017. Yung 16 na old na bagon ay gagawin nating 15 na bagon sa pamamagitan ng pag i-expand from tatlong (3) bagon to four (4) na bagon”, bahagi ng pahayag ni DOT Usec. for Rails Cesar Chavez sa panayam ng DWIZ.

By Katrina Valle | Karambola (Interview)

May 1, 2017 0 comment

Newer Posts

Older Posts