Dalawang (2) miyembro ng Philippine National Police Special Action Force o PNP-SAF na sumabak sa naging operasyon sa Mamasapano, Maguindanao noong Enero ang inalis umano sa listahan ng mga binigyang parangal.
Kasabay ito ng ika-114 na anibersaryo ng Philippine National Police o PNP ngayong araw.
Kabilang sa mga ito ay ang tanging survivor sa madugong Mamasapano operation na si Supt. Raymund Train at ang isa sa nasawing SAF 44 na si PO2 Romeo Cempron.
Batay sa inilabas na memorandum ng PNP para sa result of the selection of awardees, kabilang ang mga pangalan nila Train at Cempron sa mga bibigyang parangal.
Ngunit batay sa ipinalabas na programa ng Malacañang, wala na ang mga pangalan nila Cempron na tatanggap sana ng medalya ng kagitingan habang medalya ng kabayanihan naman para kay Train.
By Jaymark Dagala
