Dalawa (2) na ang patay sa Middle East Respiratory Syndrome o MERS outbreak sa South Korea.
Ayon sa SoKor Health Ministry, kasama sa mga nasawi ay ang isang 58-taong gulang na babae, na nagkaroon ng contact sa unang pasyente ng MERS, at nasawi matapos magkaroon ng acute respiratory failure.
Ang ikalawang biktima ay isang 71-taong gulang na lalaki na naka-respiratory support at may history ng sakit sa bato.
Maliban sa dalawang nasawi, nadagdagan din ang bilang ng mga tinamaan ng MERS-CoV, at ngayon ay 25 na ang kumpirmadong kaso.
By Katrina Valle