Tiklo ang dalawang estudyante sa isang paaralan sa Calabanga, Camarines Sur matapos maaktuhang mag-abutan ng dahon ng marijuana.
Batay sa ulat, ang mga nahuling suspek ay mga nasa edad 19 at 20 anyos.
Nakita ng admin aide ng eskwelahan ang ginawang pagbibigayan ng marijuana ng mga suspek habang nasa loob ng paaralan.
Isa sa mga suspek ang umaming gumagamit ng ilegal na droga habang itinanggi naman ng isa pa ang paratang laban sa kanya.
Nasa kustodiya na ng pulisya ang mga suspek. —mula sa panulat ni Maize Aliño-Dayundayon
