Nasawi ang dalawang hinihinalang carnapper matapos na umano’y makipagpalitan ng putok sa tropa ng mga pulis sa Blue Mountain, Barangay Sta. Cruz, Antipolo City sa Rizal.
Sa pangunguna ng Anti-Kidnapping Group (AKG), isisilbi sana ng mga ito ang warrant of arrest laban sa mga suspek na sina Reagan Gepulango na may kasong kidnapping, murder, attempted homicide at iba pa.
Pero papalapit pa lamang ang mga tauhan ng AKG, sinalubong na ito ng mga putok ng baril.
Kung kaya’t napilitan na rin ang mga awtoridad na gumanti ng putok dahilan para ikasawi ni Gepulango at isang kasamahan nito.
Samantala, narekober naman ng mga awtoridad sa pinangyarihan ng insidente ang isang 9mm na baril, isang kalibre-45 na may magasin at hinihinalang shabu. —ulat mula kay Gilbert Perdez (Patrol 13)
