Pumalo na sa 17 indibidwal ang nasawi habang pito ang sugatan bunsod ng Low Pressure Area (LPA) sa bansa.
Batay sa datos ng National Disaster Risk Reduction And Management Council (NDRRMC), apat na katao ang kumpirmadong namatay habang 13 ang beneberika pa.
Sa nasabing bilang ang lima ay mula sa Region 5, tatlo sa Region 8 at apat mula sa Region 9.
Samantala, sinabi ng NDRRMC na umabot na sa 121,950 mga pamilya o katumbas ng mahigit 523,000 na indibidwal ang apektado ng sama ng panahon sa Region 2, 3, Mimaropa, Calabarzon, Region 5, 6, 7 at BARMM. – mula sa ulat ni Tina Nolasco (Patrol 11) at sa panulat ni Jenn Patrolla
