Labing apat na mangingisda ang nareskyu ng mga tauhan ng Philippine Coast Guard (PCG) matapos magkaaberya ang bangka kanilang sinasakyan karagatang sakop ng Siruma, Camarines Sur.
Ayon sa PCG, agad silang nagkasa ng search and rescue operations matapos makatanggap ng report mula sa may-ari ng bangka na si Arnold Leynes na nagkaroon sila ng problema sa makina ng bangkang Prince Arnold.
Sa ngayon, nasa maayos na kondisyon na ang mga nasagip na mangingisda habang dinala naman ang bangka sa baybayin ng Pandawan Fish Port, Barangay 7 sa Mercedes, Camarines Norte.
