Hindi bababa sa 12 indibidwal ang nasawi habang 251 naman ang sugatan dahil sa gas leak na naganap sa Aqaba Port ng Jordan.
Lumabas sa imbestigasyon ng mga otoridad na nahulog ang chemical storage container na may kargang 25 tonelada ng chlorine gas makaraang magkaproblema umano ang crane na bumubuhat sa naturang container.
Pinayuhan naman ng Local Health official ang mga mamamayan na malapit sa lugar na manatili sa loob ng bahay at isara ang kanilang mga bintana at pintuan.
Bumuo na rin ang mga otoridad ng grupo na pangungunahan ng Interior Minister, upang tutukan ang imbestigasyon sa nangyaring aksidente.
