Patay sa flashflood ang 12 indibidwal kabilang na ang dalawang Pinoy sa Kurdistan region na sakop ng Northern Iraq.
Ayon sa provincial governor Omid Khoshnaw, nakaranas ng pagbaha at malakas na pag-ulan ang kanilang lugar kung saan, nalunod ang mga biktima.
Kabilang sa mga nasawi ang sampung buwang gulang na sanggol, dalawang Pinoy at isang Turkish habang sugatan naman ang apat na miyembro ng emergency services matapos tangayin ng malakas na agos ng tubig baha ang kanilang sasakyan.
Sa ngayon, inilikas na ng awtoridad ang ilang pamilya sa lugar habang stranded pa rin sa kanilang mga bahay ang iba pa.—sa panulat ni Angelica Doctolero
