Nasawi ang 11 bagong silang na sanggol matapos masunog ang Mame Abdou Aziz Sy Dabakh Hospital sa lungsod ng Tivawan, Senegal.
Ayon sa mga otoridad, mabilis na kumalat ang apoy na sanhi ng short circuit sa neonatal department ng naturang pampublikong ospital.
Nabatid na tatlong sanggol ang nailigtas mula sa insidente.
Samantala, ipinaabot naman ni Tivawan Mayor Demba Diyop, ang kaniyang pakikiramay sa mga magulang at pamilya ng mga nasawing sanggol.
