Pinadalhan na ng Department of the Interior and Local Government (DILG) ng show cause order ang 101 local government units (LGUs) na bigong makasunod sa direktiba hinggil sa clearing operations.
Ipinabatid ito ni DILG Spokesperson Undersecretary Jonathan Malaya matapos ang evaluation sa accomplishment reports ng mahigit 1,500 LGUs sa ginawa nilang paglilinis sa loob ng 60 araw.
Nakapagtala aniya sila ng 22% pagtaas sa mga low compliant na LGUs habang 28% naman sa medium compliant.
Samantala, magpapalabas din ng show cause orders ang DILG laban sa halos 100 barangay sa Lungsod ng Maynila.
Ayon kay DILG Undersecretary for Barangay Affairs Martin Diño, bibigyan nila ng limang araw ang mga kinauukulang barangay officials para ipaliwanag ang pagkabigong malinis mula sa mga obstructions ang kanilang mga barangay.
Ibinabala ni Diño na posibleng masuspinde pa ang mga barangay officials na hindi makapagpapaliwanag ng maayos hinggil sa nasabing direktiba.
