Binuksan ang isang spillway gate ng Magat dam kaninang umaga.
Base sa inilabas na pahayag ng provincial government ng Cagayan, alas-8 ng umaga nang buksan ang radial gate No.4 kung saan naglalabas ito ng 438.33 cubic meter ng tubig kada segundo.
Nabatid na ang hakbang ay bilang paghahanda sa bagyong Paeng.
Batay sa PAGASA nasa 186.98 meters ang water level sa Magat dam na mas mababa ng six meters sa normal level na 193 meters.
