Dalawa pang dating Kongresista ang nakatakdang kasuhan ng Office of the Ombudsman sa Sandiganbayan dahil sa PDAF Scam.
Sa Labing Syam na pahinang resolusyon ng Ombudsman, may nakita umanong sapat na basehan para kasuhan sina dating Cebu Congressman Antonio Cuenco at Antonio Yapha Jr.
Nuong 2004, iniyendorso di umano nina Cuenco at Yapha ang Kasosyo Foundation para ipatupad ang kanilang mga proyekto na pinondohan ng pinagsama nilang Pork Barrel Fund sa halagang Anim na Milyong Piso.
Lumalabas na walang nangyaring public bidding at walang karanasan ang Kasosyo Foundation sa pagpapatupad ng mga proyekto tulad ng pagbili ng mga Liquid Fertilizers.
Inatasan na ni Ombudsman Conchita Carpio Morales ang Field Investigation Office na magsagawa pa ng imbestigasyon upang alamin kung overpriced ang Liquid Fertilizers na nabili sa halagang Isang Libo Limang Daan ang isa.
By: Len Aguirre
