Tiniyak ng Administrasyong Duterte na mananagot ang Abu Sayyaf Group dahil sa kidnapping for ransom nito at sa pamumugot ng kanilang mga bihag.
Sinabi ni Presidential Spokesperson Ernesto Abella, bagaman hindi kriminal ang tingin ng Pangulo sa mga Abu Sayyaf, kailangan pa rin aniyang pagbayaran ng bandidong grupo ang mga karumal-dumal nitong aktibidad.
Nauunawaan, aniya, ni Pangulong Duterte na mayroong mas malalim na dahilan ang Abu Sayyaf Group kung bakit ito gumagawa ng krimen kumpara sa isang ordinaryong kriminal.
Gayunpaman, nanindigan ang gobyerno na pagbabayarin ang Abu Sayyaf Group sa mga ginawa nito.
By: Avee Devierte