Desidido si President-elect Rodrigo Duterte na ipatupad ang kanyang mga polisiya kesehodang mapababa siya sa pwesto.
Ayon kay Duterte, hindi siya nababahala sa posibilidad ng impeachment dahil mas mahalaga, aniya, sa kanya ang matupad niya ang kanyang mga ipinangako sa sambayanan.
Aniya, ang kanyang mensahe laban sa kriminalidad at katiwalia ang siyang nagpanalo sa kanya bilang Pangulo.
Kaya naman tutuparin niya raw ang kanyang mga pangako kahit pa may masagasaan siya.
Dagdag pa ni Duterte, handa itong isugal ang kanyang dangal, buhay, at maging ang pagiging Pangulo ng bansa sa pagtupad ng kanyang mga pangako sa bayan.
By: Avee Devierte
