Pinag-aaralang maigi ng pamahalaang lokal ng Sabtang sa Isla ng Batanes na limitahan ang mga dumarayong turista sa kanilang lugar.
Ayon kay Sabtang Mayor Maxilindo Emilio Ba-balo, layunin nitong mapanatili ang likas na ganda at hitsura ng kanilang isla.
Binigyang diin ng alkalde na ayaw niyang matulad sa Boracay Island ang Isla ng Sabtang na tila nabalutan na ng komersiaylismo at dinagsa na ng mga turista.
At bilang paghahanda, hiniling na ni Mayor Ba-balo sa kanilang Sangguniang Bayan na magpasa ng ordinansa na magbibigay proteksyon sa kanilang isla.
By Jaymark Dagala | Monchet Laranio
