Nilimitahan ng Civil Aviation Authority of the Philippines (CAAP) ang operasyon ng Dumaguete Airport.
Kasunod na rin ito ng insidente kung saan muntik maaksidente ang isang eroplano ng Cebu Pacific habang nakalapag sa paliparan.
Ayon kay CAAP Assistant Director General for Operations Brig. Gen. Rodante Joya, ang puno na matatagpuan sa pinakadulong bahagi ng Dumaguete Airport runway ang nagiging dahilan kaya hindi ligtas ang pag-take off at pag-landing ng eroplano.
Sinabi ni Joya na nakarating na sa kanilang tanggapan ang incident report na kinasasangkutan ng isang airbus-320 aircraft na may registry number RP-C3237 kung saan lumalabas na may hydraulic leak sa eroplano.
Maliban dito, mayroon pang nakita na dahon ng puno sa eroplano kung kaya’t nasira ang hydraulic hose nito.
By Meann Tanbio | Raoul Esperas (Patrol 45)