Arestado ang 5 katao sa drug bust operation sa isang inn sa Barangay Santa Cruz, Koronodal City.
Tinukoy ni city Police Chief Superintendent Barney Condes ang mga suskpek na sina Ryan Deblois at Eduardo Dolendo, Jeffrey Prinsesa at kasama rin ang 2 babae na sina Ruby Galvez at Michelle Jose.
Samantala, sinabi naman ni Glorio Sandig, Action Officer ng City Anti-Drug Abuse Council, na nahuli sa akto ang 5 suspek habang gumagamit ng droga sa sky inn.
Ani Sandig, ininguso ng mismong may-ari ng sky inn ang 5 suspek.
Napag-alaman ng pulisya na ang suspek na si prinsesa ay kasama na sa kanilang drug watch list.
Inihahanda na rin ang mga kasong posibleng isampa sa mga suspek.
By: Allan Francisco
