Bagama’t hindi direktang inamin ng aktres na si Lovi Poe ang matagal nang nababalitang hiwalayan nila ng kanyang actor boyfriend na si Roco Nacino, sinabi ng aktres na patuloy pa rin naman ang kanilang komunikasyon.
Ayon sa aktres, hindi nila minamadali kung ano man ang meron sa kanila sa ngayon.
Dagdag pa ni Lovi, hindi niya masasabi kung ano ang magiging estado nila sa hinaharap at nais niyang maging pribado na lamang ito.
Samantala muling itinanggi ni Lovi na money issue ang naging dahilan ng kanilang complicated status.
Matatandaang Nobyembre ng nakaraang taon nang lumabas ang siyang hiwalay na ang dalawa matapos mapansin ng mga fans nila na hindi na sila nagpopost ng larawan nilang magkasama.
By Krista de Dios
