Pinag-aralan dapat ng mabuti ni Pangulong Benigno Aquino III ang ginawang pag-veto sa P2,000 across-the-board increase sa monthly pension ng Social Security System (SSS) members.
Ayon kay Senior Citizens Partylist Representative Godofredo Arquiza, kailangang-kailangan ng mga retirado at senior citizen pensioners ang dagdag na P2,000 sa buwanang pensyon dahil sa dami ng mga maintenance ng mga ito.
Aniya nabigla ang mga senior citizens dahil napakaliit na halaga lamang ng P2,000 at halos 2 milyong senior citizens ang umaasa dito.
“Sana i-refine ulit yan, magawan ng paraan ng ating Kongreso, dahil maraming naghihintay diyan, 2.1 million. Yung minimum tinaasan, kasi ano naman ang mabibili sa P1,200 isang buwan, isang gamot lang yun sa highblood, kaya sana’y pinag-aralan mabuti.” Pahayag ni Arquiza.
By Mariboy Ysibido | Balitang Todong Lakas