Hiniling ng Kapamilya actor na si John Lloyd Cruz sa mga mambabatas na maisabatas ang mga posibleng gawing reporma sa Metro Manila Film Festival o MMFF.
Sa kanyang testimonya sa pagdinig ng House Committee on Metro Manila Development hinggil sa disqualification ng pelikulang “Honor Thy Father” sa MMFF, binanggit ni Cruz na ayaw niyang magkaroon ng sitwasyon ng pagkakaroon ng pagkakawatak-watak sa film industry dahil sa naturang kontrobersya.
Dagdag pa ng aktor, umaasa siya na magbibigay daan ang naturang hearing para magkaroon ng pagkakaisa sa sektor ng industriya ng pelikulang Pilipino.
By Meann Tanbio | Jill Resontoc (Patrol 7)
