Pursigido sina Davao City Mayor Rodrigo Duterte at Senador Alan Peter Cayetano na ibalik ang kapayapaan sa Mindanao.
Ito’y sa oras na mahalal sila bilang pangulo at pangalawang pangulo sa 2016 elections.
Ayon kay Duterte, magdaragdag siya ng 3,000 sundalo na sasanayin bilang scout rangers o special forces upang sagupain ang mga lawless element.
Kung matapang anya ang mga criminal dapat anyang mas matapang din ang solusyon at hindi pwede ang pateka-teka.
Inihayag naman ni Cayetano na dapat tutukan ang ekonomiya ng mindanao upang makamit ang matagal ng inaasam na kapayapaan.
Magugunitang 15 ang patay na karamiha’y sibilyan sa pag-atake ng Bangsamoro Islamic Freedom Fighters sa Central Mindanao noong bisperas ng pasko at mismong araw ng Pasko, bagay na kinundena rin ni Pope Francis.
By: Drew Nacino
