Patay ang isang siyam na taong gulang na batang babae matapos umanong tamaan ng ligaw na bala sa Ipo dam sa Norzagaray, Bulacan.
Ito ang kinumpirma ni Health Secretary Janet Garin 3 araw bago ang pagsalubong sa bagong taon.
Ayon kay Garin, isinugod pa sa East Avenue Medical Center sa Quezon City ang hindi pinangalanang biktima.
Gayunman, binawian din ito ng buhay habang isinasailalim sa operasyon.
Una nang iniulat na 111 na ang biktima ng paputok tulad ng piccolo, 3 ang stray bullets, at 1 na nga rito ay nasawi.
By: Jopel Pelenio I Jelbert Perdez
