Namimiligrong makaranas ng madilim na New Year ang mga power consumers sa North Cotabato at ilang lugar sa Mindanao.
Sa harap na rin ito ng ginawang pag-atake ng mga armadong kalalakihan sa dalawang transmission towers ng National Grid Corporation sa Lanao Del Sur at North Cotabato nitong nakalipas na Huwebes.
Ang tower 25 ng National Grid Corporation na nasa Barangay Gandamatu, Ramajin, Lanao Del Sur ay pinabagsak ng mga hindi nakilalang armadong grupo.
Pinasabugan naman ang tower 95 sa Aroman, Carmen, North Cotabato.
Sinabi ni Engineer Godofredo Homez, General Manager ng Cotabato Electric Cooperative na sakaling kapusin ang supply ng enerhiya ay maaaring gamitin ang bilateral power supply at embedded generators.
By: Aileen Taliping (patrol 23)
