Home NATIONAL NEWS U.S. President Donald Trump, inaasahang dadalo sa ASEAN Summit sa Pilipinas sa November 17

VP Sara, may milyun-milyong time deposits na hindi idineklara, ayon kay Trillanes

by DWIZ 882 October 3, 2026 0 comment
ANTONIO TRILLANES

Iginiit ni dating Senador Antonio Trillanes IV na may milyun-milyong time deposits si Vice President Sara Duterte na hindi umano idineklara sa kanyang Statement of Assets, Liabilities and Net Worth o SALN mula 2007 hanggang 2010 noong siya’y vice mayor pa ng Davao City.

Ayon kay Trillanes, may mga undeclared dollar at peso time deposits ang Bise Presidente sa nasabing mga taon batay sa pananaliksik ng kanyang team.

Anya, hindi rin idineklara sa 2010 SALN ni VP Sara ang life insurance na nagkakahalaga ng humigit-kumulang isang milyong dolyar.

Dagdag pa ni Trillanes, may mga kumpanya at organisasyong nakalista bilang assets sa joint SALN ng Bise Presidente at kanyang asawa na si Atty. Mans Carpio na tumanggap umano ng pondo mula sa Chinese government at mga kumpanyang Intsik.

Kabilang dito ang Cale 88 Foods Corporation na sinasabing nakatanggap ng P319 million at ang Tapang at Malasakit Alliance for the Philippines, Inc. na sinasabing nakatanggap ng P150 million. | Sa panulat ni Reabelle Medina

Comments

comments

You may also like

Leave a Comment