Binigyang-diin ni Atty. Eirene Aguila, co-convenor ng Dapat Isa Lang Movement, ang pahayag ng Korte Suprema na sa loob ng 39 taon ay hindi pa nakapagpasa ang Kongreso ng batas na magpapatupad sa constitutional ban sa political dynasties.
Ayon kay Aguila, hindi lamang umano simpleng pagkukulang ng Kongreso ang hindi pagpasa ng batas, kundi itinuring ito ng Korte Suprema bilang “grave abuse of discretion.”
Aniya, malinaw na mandato ng Konstitusyon sa Kongreso ang pagpasa ng naturang batas, bagama’t hindi umano idinidikta ng Korte kung ano ang magiging laman nito.
Nanawagan din si Aguila na huwag kalimutan ang pagkukulang ng mga mambabatas sa loob ng 39 taon na hindi pagpasa ng anti-political dynasty law.
