Pansamantalang ipinagbawal ng Department of Migrant Workers (DMW) ang pagpapadala ng Pilipinong seafarer sa hilagang bahagi ng Black Sea sa gitna ng giyera sa pagitan ng Russia at Ukraine.
Ayon kay Migrant Workers Secretary Hans Leo Cacdac, ipinalabas ang direktiba sa mga manning agencies at principals noong nakaraang linggo, kasunod ng pagsusuri ng Department of National Defense (DND) at Department of Foreign Affairs (DFA).
Samantala, pinaghahandaan din ang agarang pag-repatriate o paglilipat sa mas ligtas na lugar ng mga Pinoy seafarer na nasa naturang lugar na.
Batay sa datos ng DMW, nasa 20 barko na may sakay na Pilipino ang inatake sa Northern Black Sea kung saan naapektuhan ang mahigit 200 crew members. l mula sa panulat ni Reianne Antiquina
