Nilinaw ng Senate Impeachment Court na mananatili sa alas-diyes ng umaga ang impeachment trial ni Vice President Sara Duterte sa susunod na linggo.
Ito’y sa kabila ng panukala ni Senator-Judge Juan Miguel Zubiri na ilipat sa alas-tres ng hapon ang mga pagdinig upang hindi maputol ang mga talakayan dahil sa mga plenary session ng Senado.
Ayon kay Presiding Officer Francis “Chiz” Escudero, maaaring magbago ang schedule kung kakailanganin, pero hindi ito maaaring biglain.
Nag-alinlangan naman sina Senator-Judges Pia Cayetano at Camille Villar sa panukala ni Senador Zubiri, lalo na’t inilatag ito sa labas ng caucus ng Senado.
Matatandaang nagsimula ang impeachment trial sa ganap na alas-diyes ng umaga matapos magbukas ang ikalawang regular session ng 20th Congress noong Hulyo a-bente syete, at karaniwang itinitigil dakong alas-tres ng hapon para bigyang-daan ang plenary session ng Senado. | sa panulat ni Jordan Gutierrez
