Posibleng lumobo pa sa record-high na 21.4-trillion pesos ang pambansang utang ng Pilipinas sa pagtatapos ng taong 2027.
Ayon sa Department of Budget and Management (DBM), mas mataas ito ng 9-percent kumpara sa revised 2026 debt projection na 19.7-trillion pesos, at halos 68-percent naman na mas malaki kumpara sa 12.7-trillion pesos na utang na namana ng administrasyong Marcos noong June 2022.
Nilinaw ng ahensya na nakabatay ang projection sa exchange rate na 62-pesos kada dolyar.
Nilinaw ng DBM na nakadagdag sa gastos sa utang ang paghina ng piso, dahil maraming loan ang kinontrata noong pandemic nang nasa 49-pesos 60-centavos lamang ang palitan ng piso sa dolyar.
Sa 21.4-trillion pesos na inaasahang utang sa 2027, 14.2-trillion pesos ang domestic debt at 7.1-trillion pesos ang external debt.
Matatandaang nitong June, pumalo na sa 19-trillion pesos ang utang ng Pilipinas. l mula sa panulat ni Jordan Gutierrez
