Arestado ang isang babae matapos mahuli sa buy-bust operation ng National Bureau of Investigation (NBI) sa Barangay Sambag I, Cebu City.
Ayon sa NBI, nagpapanggap umanong pulubi ang suspek habang nagbebenta ng shabu malapit sa mga paaralan at terminal ng bus.
Sinabi ng mga awtoridad na kabilang umano sa mga bumibili sa kanya ang mga bus driver, konduktor at ilang estudyante.
Narekober mula sa suspek ang anim na sachet ng hinihinalang shabu, marked money at iba pang ebidensya.
Nahaharap siya sa kasong paglabag sa Comprehensive Dangerous Drugs Act of 2002.
