“‘Yan na ba ang best n’yo? Galingan n’yo pa nang unti.”
Ito ang matapang na pahayag ni House Prosecutor at Bicol Saro Party-list Rep. Terry Ridon sa defense matapos nilang kuwestiyunin ang ilang teknikalidad sa isinagawang cross-examination kay NBI Regional Director Atty. Jeremy Lotoc.
Ayon kay Ridon, anuman ang punahing teknikalidad ng depensa, hindi pa rin nito mababago ang katotohanan na nagbanta si Vice President Sara Duterte kina Pangulong Ferdinand Marcos Jr., First Lady Liza Araneta-Marcos, at dating House Speaker Martin Romualdez.
Binigyang-diin ni Ridon na nananatiling matatag at hindi natitibag ang testimonya ng kanilang testigo.
Iginiit ni Ridon na mayroong nagbanta, mayroong pagbabanta, at mayroong pinagbantaan ang Bise Presidente.
