Binawi ni Senador Jinggoy Estrada ang kanyang mosyong humihiling na payagan siyang makadalo sa impeachment trial ni Vice President Sara Duterte.
Batay sa resolusyon ng Sandiganbayan Second Division, inamin ng kampo ng senador na mali ang pagkakahain ng mosyon sa Second Division dahil para ito dapat sa Fifth Division.
Dahil dito, pinagbigyan ng korte ang kahilingan at itinuring na withdrawn ang naturang mosyon.
Samantala, binawi rin ng Sandiganbayan ang nauna nitong utos na nag-aatas sa prosekusyon na magsumite ng komento sa loob ng limang araw.—sa panulat ni Jordan Gutierrez
