Walang epekto sa panig ng House prosecution team ang pagpunta ngayong araw sa Senado ni Office of the Vice President Chief-of-Staff Zuleika Lopez.
Ayon kina House Prosecution Legal Spokesman Atty. Benjamin Tolosa Jr. at House Prosecutor Rodge Gutierrez, wala silang impormasyon o nalalamang detalye sa pagpunta ni Lopez sa Senado.
Iginiit ng dalawang mambabatas na nananatili ang kanilang kumpiyansa na hindi ito makaaapekto sa takbo ng impeachment trial laban sa bise presidente.
Pinahaharap si Lopez sa impeachment court sa Hulyo a-katorse upang humarap bilang testigo kaugnay ng ikaapat na Articles of Impeachment.
Tumutukoy ang naturang artikulo sa alegasyon ng pagbabanta ni VP Sara laban kina Pangulong Ferdinand Marcos Jr., First Lady Liza Araneta-Marcos, at dating House Speaker Martin Romualdez.—sa panulat ni Jordan GutierrezA
