Nangangamba ang mga ekonomista na posibleng maghingalo ang pambansang ekonomiya dahil bumaba ang labour force participation rate (LPFR) at tumaas naman ang bilang ng mga Pilipinong walang trabaho noong Mayo.
Batay sa datos ng Philippine Statistics Authority, tumaas ang unemployment rate noong Mayo sa 4.8%, o katumbas ng nasa 2.5 milyong indibidwal na nawalan ng trabaho, mas mataas kaysa naitalang 3.9% sa kaparehong panahon noong nakaraang taon.
Sa kaparehong panahon, bumaba naman ang LPFR sa 63.8% noong Mayo ngayong taon, dalawang percentage points na mas mababa sa naitalang 65.8% noong Mayo 2025.
Iginiit ng mga ekonomista na, dahil sa kombinasyon ng mataas na unemployment rate at mababang LPFR, nahihirapan ang mga employer na makapaghanap ng tamang indibidwal para sa naaayong trabaho dahil huminto na ang ilang Pilipino sa paghahanap ng trabaho. | Sa panulat ni Anjo Riñon
