Kinondena ng Department of National Defense ang sinasabing missile test ng China sa South Pacific Ocean.
Ayon kay Defense Secretary Gilberto Teodoro, walang dahilan ang China para magsagawa ng missile test sa naturang katubigan, lalo na’t mula umano ito sa isang nuclear-capable submarine.
Dagdag pa ni Teodoro, ipinapakita lang ng naturang pagsasanay ang kapasidad ng China para sa pagsasagawa ng “forward positioning” ng mga military asset nito.
Sa isang hiwalay na pahayag, sinabi naman ni Defense Spokesman Arsenio Andolong na maituturing na hindi nag-iingat ang China sa pagtatanghal nito ng armadong kakayahan.
Samantala, sinabi naman ni Armed Forces of the Philippines West Philippine Sea Spokesman, retired Rear Adm. Roy Vincent Trinidad, pinapalala lang ng nasabing missile test ang takot ng Asia-Pacific region dahil sa nuclear capability ng naturang bansa. | Sa panulat ni Anjo Riñon
