Pinaigting pa ng Bureau of Customs ang kampanya kontra smuggling.
Tiniyak ni Customs Commissioner Ariel Nepomuceno sa kanyang ikalawang taon sa kawanihan.
Ayon kay Commissioner Nepomuceno, maka-aasa ang publiko ng mas agresibong pagtugis sa mga smuggler at pagpapanagot sa mga kasabwat na BOC personnel.
Bukod anya sa mahigpit na pagpapatupad ng one-strike policy laban sa mga tauhan na mapapatunayang sangkot sa iligal na aktibidad, patuloy na pinalalakas ng ahensya ang kanilang border protection measures.
Samantala, inatasan na rin ng hepe ng Aduwana ang lahat ng collection districts na palakasin ang intelligence gathering, risk profiling, enforcement operations, at pakikipag-ugnayan sa lahat ng mga law enforcement partners at mga LGU.
