Posibleng mabawasan na ang mga yellow o red alert status sa bansa sa ngayon.
Bunsod ito ng pagbabalik-normal ng operasyon ng mga power grid makaraang ma-i-restore na ang additional generating capacity sa Visayas.
Kinumpirma ni Energy Undersecretary Mario Marasigan na gumagana nang muli ang Panay Energy Development Corporation Unit 3, na may capacity na 150 megawatts para makapagsupply sa Visayas Grid.
Sa ngayon ay sapat ang supply ng kuryente sa Luzon na mayroong available capacity na 16,623 megawatts, habang mayroong available capacity na 2,653 megawatts ang Visayas.
