Ipinagmalaki ng British Embassy sa Maynila na sa Pilipinas ginagawa ang lahat ng opisyal na Slazenger tennis balls na ginagamit sa Wimbledon.
Ayon sa embahada, mula pa noong 2002 ay sa Mariveles, Bataan ginagawa ang mga tennis ball na ginagamit sa prestihiyosong torneo sa London.
Mahigit 54,000 na tournament-grade tennis balls ang ginagawa sa naturang pabrika kada taon. Dumaraan ang bawat isa sa mahigpit na proseso at pagsusuri upang matiyak na pasado ito sa international standards para sa kalidad at performance.
Bukod sa tagumpay ng Pinay tennis star na si Alex Eala sa Wimbledon, ipinakita rin ng British Embassy ang mahalagang ambag ng husay at gawang Pilipino sa isa sa pinakamalalaking tennis tournament sa mundo.
