Bukas ang bagong Senate majority na tumanggap ng mga senador mula sa minority bloc.
Ayon kay Senator JV Ejercito, wala pa silang kinakausap sa ngayon upang lumipat sa majority, ngunit hindi niya isinara ang posibilidad na may mga senador pang sumama sa kanilang hanay.
Sinabi ni Ejercito na kung may magpapahayag ng interes sa mga susunod na araw, makatutulong ito upang maging mas matatag ang kasalukuyang liderato ng Senado.
