Pinakilos na ng Department of Energy ang Task Force on Energy Resiliency upang makipag-ugnayan sa mga electric cooperative at iba pang energy industry stakeholders matpos ang magnitude 7.8 na lindol sa Sarangani at mga kalapit nitong lugar.
Ito’y alinsunod sa direktiba ni Pangulong Ferdinand Marcos Jr. na tiyakin ang daglian assessment ng mga critical infrastructure ng bansa matapos ang mga sakunang tulad ng lindol.
Ayon sa DOE, kasalukuyan nitong tinitipon ang mga ulat tungkol sa kondisyon ng mga power line, substation, distribution facility, at iba pang energy infrastructure sa mga apektadong lugar upang malaman kung may mga pinsala ba ang mga ito.
Mananatili ring makikipag-ugnayan ang kagawaran sa mga local energy stakeholder upang matiyak ang agarang pagkumpuni sa mga napinsalang energy infrastructure. | Anjo Riñon
