Bunsod ng patuloy na pagtaas ng presyuhan ng produktong petrolyo, naglabas na ang VinFast ng solusyon para maibsan ang mabigat na operating cost sa transportasyon sa bansa at mabigyan ng mapagpipilian ang mga Pilipino.
Ayon sa VinFast, mas mababa ang operating cost ng kanilang bagong electric vehicle na VF MPV 7 na inilunsad na sa Pilipinas kumpara sa tradisyunal na mga sasakyan.
Paliwanag ng kumpanya, mas mababa at mas stable ang energy cost ng VF MPV 7 kumpara sa mga gasoline-powered na MPV, dahilan upang makatipid ang mga motorista sa pangmatagalang paggamit.
Libre rin ang charging sa V-Green stations sa bansa hanggang Marso 2029, bukod pa sa 7-year o 160,000-kilometer vehicle warranty at 10-year o 200,000-kilometer battery warranty.
Ang VF MPV 7 ay isang 7-seater electric MPV na may presyong mahigit isang milyong piso depende sa napiling battery option.
May kakayahan itong bumiyahe nang hanggang 450 kilometro sa isang full charge at maaari ring ma-charge mula 10 hanggang 70 porsyento sa loob ng tinatayang 30 minuto.
Sinabi ng VinFast na target nitong mapalawak pa ang paggamit ng electric vehicles sa bansa sa pamamagitan ng mas abot-kayang mobility solutions at pagpapalawak ng dealership at aftersales network nito sa Pilipinas.
Nagkakahalaga ang naturang sasakyan ng 1.518M kung kasama ang baterya, habang mahigit 1.2M naman kung mag-a-avail ng battery subscription.
Mas magiging mababa din ang cost ng nasabing family vehicle sa pamamagitan ng discounts kung magiging bahagi ang sino man sa unang isang libong customer nito hanggang May 31, 2026.—ulat mula kay Jun Samson (Patrol 24)
