Pinili ni Senador Panfilo Lacson ang dahilan kung bakit napili ng minority si Senador Sherwin Gatchalian para maging bagong Senate President sakaling makakuha sila ng kailangang bilang para magpalit ng liderato ng Senado.
Ito anya’y upang maibangon ang Senado at magkaroon ito ng fresh start o panibagong simula.
Ayon pa kay Lacson, may kanya-kanyang tungkulin ang bawat miyembro ng minority bloc upang makakuha ng karagdagang suporta mula sa mga senador.
Ibinasura naman ni Lacson ang mga espekulasyon na may kaugnayan ang hakbang ng minority na makuha ang liderato ng Senado sa umano’y pagsisikap na amyendahan ang Konstitusyon o maimpluwensyahan ang impeachment trial ni Vice President Sara Duterte.
Sinabi rin ng senador na kahit makakuha lamang sila ng isang karagdagang miyembro, maaari pa rin nilang maimpluwensyahan ang mga desisyon sa Senado sa pamamagitan ng simple majority kasunod ng pag-alis ni Sen. Ronald dela Rosa sa Senado.
Samantala, iginiit din ni Lacson na handa sila ni Senador Vicente Sotto III na magsilbing gabay sa susunod na henerasyon ng mga senador sa pamamagitan ng pagbabahagi ng mga aral mula sa kanilang mahabang taon ng paglilingkod sa publiko.
