Nagdeklara ang Malacañang ng regular holiday sa buong bansa sa Miyerkules, Mayo 27, 2026, bilang paggunita sa Eid’l Adha o Feast of Sacrifice.
Ito’y batay sa Proclamation No. 1264 na pirmado ni Exec. Sec. Ralph Recto.
Nilagdaan ang proklamasyon upang bigyang pagkakataon ang mga Pilipinong Muslim na maayos na maipagdiwang ang isa sa pinakamahalagang okasyon sa Islam.
Ang Eid’l Adha ay simbolo ng pananampalataya, sakripisyo, at pagsunod sa kalooban ng Diyos.
Inaasahan namang makikiisa ang iba’t ibang sektor sa pagdiriwang habang pinapayuhan din ang publiko na planuhin nang maaga ang kanilang biyahe at mga aktibidad kaugnay ng idineklarang holiday. | Gilbert Perdez (Patrol 13)
