Isinapubliko ni Batangas 1st District Representative Leandro Leviste ang tinawag niyang “Cabral Files,” mga dokumentong sinasabing nakuha niya mula sa yumaong dating Public Works Undersecretary Maria Catalina Cabral.
Ayon kay Congressman Leviste, naglalaman ang nasabing dokumento ng summary ng budget ng D-P-W-H ngayong 2025, kabilang ang “allocable” o pondo na inilalaan sa proyekto ng ahensya sa mga distrito na umabot sa 401.3-billion pesos.
Iginiit ng kongresista na mas malaking bahagi ng budget ang napunta sa “outside allocable” ng iba pang proponents, dahilan upang umabot sa mahigit 1-trillion peso ang kabuuang DPWH budget para sa 2025.
Samantala, itinuring ng Malakanyang na “chismis” ang mga dokumentong inilabas ng kongresista.
Binigyang-diin ni Palace Press Officer Undersecretary Claire Castro na magbibigay lamang ng pahayag ang Palasyo kapag pinatotohanan mismo ng DPWH ang pagiging lehitimo ng naturang mga dokumento.
