Inanunsyo ng delivery platform na Lalamove ang pagpapatupad nito ng zero percent commission sa kabuuang pamasahe sa kanilang mga TVS partner driver.
Ang hakbang, ayon sa Lalamove, ay bilang pag suporta sa mga bagong direktiba ng LTFRB Land Transportation Franchising and Regulatory Board para sa transport vehicle service at transport network company operators.
Kasabay nito, luluwagan din ng Lalamove ang surge pricing upang maging mas abot-kaya ang pamasahe ng mga pasahero ngayong holiday season.
Ayon pa sa Lalamove, ang alok na zero commission para sa mga TVS driver ay epektibo hanggang January 4, 2026 para makatulong sa mga driver at commuter habang ipinagdiriwang ang Kapaskuhan.
